范仲淹念书最用功哉,他匆管是啥人造的字,觉着勿通,就要改。
有一次,他念着一个“重”字和一个“出”字,叫起来:“阿咦,造字的人怎么这样糊涂哉,‘千里’之外才是‘出’,两座山堆起来反而不为‘重’,倒过来哉,阿要匆通!”想改字哉!
范仲淹石像
这时候,刚巧孔夫子在天上经过,听见了吓哉:“阿唷唷,这个读书人倒厉害得来,被他板着错头,别人都勿叫我孔圣人,要来叫你范圣人哉!”就派个魁星来收伏范仲淹。
到了夜里,范仲淹在书房里写文章,突然窗子外头伸进一只手来,向范仲淹讨个字。范仲淹朝外一望,喔唷,这个人怕得来,披头散发,青面獠牙,晓得勿是妖魔,定是鬼怪。心想:你要吓我,我就给点苦头你吃吃。拿起笔来,就在他手心里写了一个“山”字,才写好,只听见窗子外头吱吱直叫,啥道理,——一座山多少重唻,压得魁星的手缩匆出去,讨饶哉!范仲淹想:索性压煞了你拉倒,省得到处再去吓人。提起笔来,又在魁星手心底里添了一个“山”字。这一添,勿好哉,一只手马上缩出去哉。
范仲淹一想:不经一事,勿长一智,看起来古人造字确乎有道理,坐在书房里改勿得字,弄得勿好要改错的。就匆改字了。